Միաժամանակ ստանալ նույնականացման քարտ և անձնագիր
ՀՀ քաղաքացիները կարող են դիմել միաժամանակ նույնկանացման քարտ և անձնագիր ստանալու համար։
Անհրաժեշտ է նկատի ունենալ, որ նույնականացման քարտը և անձնագիրը պետք է լինեն նույն մարդու համար։
Միաժամանակ նույնականացման քարտ և անձնագիր ստանալու համար անհրաժեշտ է ֆիզիկապես ներկայանալ ՀայՓաս-ի նախընտրելի սպասարկման կետ` առցանց այց ամրագրելով։
Ինչպե՞ս դիմել
Փաստաթղթերը միաժամանակ ստանալու այց ամրագրելու համար «Շարունակել» կոճակը սեղմելուց հետո անհրաժեշտ է․
- ընտրել համակցված դիմումի տարբերակը,
- նույնականանալ «ԵսԵմ» ազգային նույնականացման հարթակի միջոցով կամ լրացնել անձնական տվյալները,
- կցել փաստաթղթեր (անհրաժեշտության դեպքում),
- վերանայել, հաստատել դիմումը,
- ընտրել նախընտրելի սպասարկման տեսակը, նշել ցանկալի սպասարկման կենտրոնը, օրն ու ժամը,
- կատարել առցանց վճարում՝ ստանալով վճարման անդորրագիրը։
Ներկայացվող պահանջները
Նույնականացման քարտն ու անձնագիրը միաժամանակ ստանալու համար անհրաժեշտ է ունենալ․
- ՀԾՀ կամ
- «ԵսԵմ» ազգային նույնականացում։
Ուշադրություն
Եթե երեխայի համար դիմելիս նրա տվյալները չեն գտնվել, անհրաժեշտ է դիմել ՀՀ արդարադատության նախարարություն՝ տվյալները թվայնացնելու համար։
Պահանջվող տվյալները
Նախագրանցման հայտի մեջ անհրաժեշտ է նշել․
- էլեկտրոնային փոստի հասցե,
- հեռախոսահամար։
Ուշադրություն
Տվյալների ճշգրտման համար որոշ դեպքերում անհրաժեշտ կլինի կցել փաստաթղթեր։
Վճարման չափը և կարգը
- Նույնականացման քարտը և անձնագիրը միաժամանակ ստանալու համար վճարվող պետական տուրքը 34,600 դրամ է։
- Արագացված ընթացակարգով նույնականացման քարտը և անձնագիրը միաժամանակ ստանալու պետական տուրքի չափը 102,600 դրամ է։
Տրամադրման ժամկետը և կարգը
-
Նախնական էլեկտրոնային հայտը ուղարկելուց և հաստատում ստանալուց հետո նշված օրը և ժամին անհրաժեշտ է ներկայանալ սպասարկման կենտրոն՝ անձը հաստատող փաստաթղթով, տրամադրել մատնահետք, ստորագրություն և լուսանկարվել։
- Նույնականացման քարտը տրամադրվում է 5 տարի վավերականության ժամկետով։
- 6-16 տարեկան քաղաքացիներին անձնագիրը տրամադրվում է 5 տարի վավերականության ժամկետով, իսկ 16 տարին լրացած քաղաքացիներին՝ 10 տարի վավերականության ժամկետով։
-
14 աշխատանքային օրվա ընթացքում փաստաթղթերի պատրաստ լինելու մասին ծանուցում ստանալուց հետո անհրաժեշտ է մոտենալ նույն սպասարկման կենտրոն և վերցնել դրանք՝ կրկին տրամադրելով մատնահետք։
- Արագացված ընթացակարգով փաստաթղթերը հնարավոր է ստանալ Երևանում՝ 24 ժամվա ընթացքում, մարզերում՝ 48 ժամվա ընթացքում։
Հղում օրենսդրությանը
«Անձը հաստատող փաստաթղթի մասին» ՀՀ օրենք
Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)
Աշխատանքային ժամեր`
09:00 - 17:00
Հեռախոսահամար`
84-22
+374 60770555
Աշխատանքային ժամեր`
09:00 - 17:00
Հեռախոսահամար`
84-22
+374 60770555