Ինչպե՞ս դիմել

Լիցենզիա ստանալու համար անհրաժեշտ է հայտ ներկայացնել ՀՀ Առողջապահության նախարարության լիցենզավորման գործակալություն։ 

Լիցենզիա ստանալու մասին հայտը անհրաժեշտ է ուղարկել էլեկտրոնային փոստով` [email protected] հասցեին: 

Ներկայացվող պահանջները

Թմրամիջոցների, հոգեմետ նյութերի կամ դրանց պրեկուրսորների արտադրության լիցենզիա կարող են ստանալ իրավաբանական անձինք և անհատ ձեռնարկատերերը:

Պահանջվող փաստաթղթերը

Լիցենզիա ստանալու համար հայտին կից ներկայացվում են հետևյալ փաստաթղթերը․

• լիցենզիա ստանալու համար պետական տուրքի վճարման անդորրագրի պատճենը,
• գործունեության իրականացման համար նախատեսված անշարժ գույքի նկատմամբ իրավունքի կամ օգտագործման իրավունքի պետական գրանցման վկայականի պատճենը,
• տարածքների՝ ազդանշանային համակարգով սարքավորված լինելու մասին տեղեկանք,
• փորձաքննություն իրականացնող կազմակերպության կողմից տրված ապրանքների, առարկաների, սարքավորումների վերաբերյալ դրական փորձագիտական եզրակացության բնօրինակը,
• թմրադեղերի և հոգեմետ դեղերի արտադրության դեպքում՝ տեսակն ըստ արտադրվող դեղաձևի, ինչպես նաև արտադրվող կամ նախատեսվող դեղերի ցանկը,
• համապատասխան տեխնոլոգիական սարքավորումներով ապահովվածության մասին փաստաթուղթ,
• գործունեության իրականացման վայրում գտնվող պահեստի հագեցվածության մասին տեղեկանք,
• որակի հսկման և մակնշման համար պատասխանատու դեղագետի, դեղաբան-քիմիկոսի որակավորում ունեցող մասնագետներով ապահովված լինելու մասին տեղեկանք (նաև՝ բարձրագույն մասնագիտական կրթության դիպլոմների և հետբուհական կրթության հավաստագրերի պատճենները)։

Վճարման չափը և կարգը

Թմրամիջոցների, հոգեմետ նյութերի կամ դրանց պրեկուրսորների արտադրության լիցենզիա ստանալու համար պետական տուրքի չափը 100,000 դրամ է։

Տրամադրման ժամկետը և կարգը

Լիցենզիան տրվում է մինչև 3 տարի ժամկետով՝ դիմելուց հետո 23 աշխատանքային օրվա ընթացքում:

Հղում օրենսդրությանը

ՀՀ կառավարության՝ 2011 թվականի մարտի 18-ի N 281-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)