Ինչպ՞ես դիմել

Բժշկական օգնության և սպասարկման իրականացման լիցենզիա ստանալու համար հայտատուն պետք է հայտ ներկայացնի ՀՀ Առողջապահության նախարարության լիցենզավորման գործակալություն (հասցե՝ Կառավարական տուն 3, Երևան)։

Ներկայացվող պահանջները

Բժշկական օգնության և սպասարկման իրականացման լիցենզիա ստանալու համար կարող են դիմել իրավաբանական անձինք և անհատ ձեռնարկատերերը։

Պահանջվող փաստաթղթերը

Բժշկական օգնության և սպասարկման իրականացման լիցենզիա ստանալու մասին հայտին կից ներկայացվում են հետևյալ փաստաթղթերը․

• տարածքի սեփականության վկայականի պատճեն (հայտատուի անունով),
• տարածքի հատակագծի պատճեն (հայտատուի անունով),
• քրեակատարողական հիմնարկներում բժշկական ծառայություն մատուցող ՊՈԱԿ-ների դեպքում՝ տեղեկանք տարածքի առկայության մասին,

Վճարման չափը և կարգը

Բժշկական օգնության և սպասարկման իրականացման համար պետական տուրքը տարեկան 50,000 դրամ է(գանձապետական հաշվեհամարը՝ 900005016614):

Տրամադրման ժամկետը և կարգը

Լիցենզիան տրվում է մինչև 5 տարի ժամկետով՝ դիմելուց հետո 23 աշխատանքային օրվա ընթացքում:

Հղում օրենսդրությանը

• «Լիցենզավորման մասին» ՀՀ օրենքը,
• «Բնակչության բժշկական օգնության և սպասարկման մասին» ՀՀ օրենքը,
• «Պետական տուրքի մասին» ՀՀ օրենքը,
• ՀՀ կառավարության 2002 թվականի հունիսի 29-ի N 867-Ն որոշումը,
• ՀՀ կառավարության 2010 թվականի սեպտեմբերի 24-ի N 1283-Ն որոշումը