Արդարադատություն և օրենք

Ծրագրի շրջանակում տրամադրվում է մինչև 150,000 դրամի չափով ֆինանսական աջակցություն ընտանիքում բռնության ենթարկված անձանց։ 

Կոռուպցիայի մասին անանուն եղանակով առցանց հաղորդելու հնարավորությունը թույլ է տալիս կանխարգելել կամ նվազեցնել կոռուպցիոն դեպքերը, իսկ ՀՀ օրենսդրությամբ սահմանված երաշխիքները ապահովում են հաղորդող անձի անվտանգությունը։    

Կոռուպցիայի մասին առցանց եղանակով հնարավոր է հաղորդել (ազդարարել) Կոռուպցիայի կանխարգելման հանձնաժողովի՝ «Ազդարարման միասնական էլեկտրոնային հարթակում»:

Այս ծրագրի շրջանակներում տրամադրվում է մարդկանց թրաֆիքինգի և շահագործման զոհերի նույնացման հանձնաժողովի կողմից զոհ/կամ հատուկ կատեգորիայի զոհ ճանաչված անձանց աջակցություն, նրանց սոցիալ-հոգեբանական վերականգնման աշխատանքների կազմակերպում:

Մշտական, ժամանակավոր կամ փաստացի բնակության վայր չունեցող անօթևան, կյանքի դժվարին իրավիճակում հայտնված անձինք կարող են դիմել ժամանակավոր օթևան ստանալու համար։

Ժամանակավոր կացարանում անօթևան անձանց տրամադրվում են սոցիալական ծառայություններ՝ շուրջօրյա լրիվ խնամք, սոցիալական սպասարկում և երկարաժամկետ կացարանով (90 օր) ապահովում։

Ծրագրի նպատակն է տրամադրել միանվագ 250,000 դրամ ֆինանսական աջակցություն թրաֆիքինգի և շահագործման, սեռական բռնության ենթարկված անձանց։

Ապոստիլով վավերացվում են այն փաստաթղթերը, որոնք ուղարկվում են 1961 թվականի հոկտեմբերի 5-ի Հաագայի կոնվենցիային միացած երկրներ։

Հայաստանում ապոստիլով վավերացվում են միայն ՀՀ-ում կազմված և տրված պաշտոնական փաստաթղթերը։ Օտարերկրյա պետությունների կողմից տրված փաստաթղթերը Հայաստանում չեն վավերացվում։

Փաստաթղթերի ապոստիլով վավերացում հնարավոր է ստանալ առցանց կամ ֆիզիկապես։

Ապահովված իրավունքը պարտատիրոջ իրավունքն է շարժական գույքի կամ իրավունքի նկատմամբ, որը դրվում է որպես երաշխիք, որպեսզի պարտապանը կատարի իր պարտավորությունը։ Այս գույքը կարող է լինել որևէ ֆիզիկական առարկա (օրինակ՝ սարք, ավտոմեքենա և այլն), կամ որևէ իրավունք (օրինակ՝ պահանջի իրավունք)։

Եթե այս ապահովված իրավունքի մեջ լինում են փոփոխություններ, դրանք պարտադիր գրանցվում են ՀՀ արդարադատության նախարարության իրավաբանական անձանց պետական ռեգիստրի գործակալությունում։

Լիազորագիրը մեկ անձի գրավոր հանձնարարությունն է մեկ այլ անձին՝ երրորդ անձանց առջև իրեն ներկայացնելու նպատակով: Լիազորագիր կարող է տալ չափահաս գործունակ ֆիզիկական և իրավաբանական անձը: 

Լիազորված անձը լիազորագրի միջոցով իրավունք է ստանում լիազորողի անունից կատարելու լիազորագրում նշված գործողությունը։ 

Հյուպատոսական վավերացումը փաստաթղթերում առկա ստորագրությունների և կնիքների իսկության հաստատումն է՝ ՀՀ դիվանագիտական ներկայացուցչություններում, հյուպատոսական հիմնարկներում կամ ՀՀ արտաքին գործերի նախարարությունում։

Շարժական գույքի նկատմամբ ապահովված իրավունքի գրանցման համար անհրաժեշտ է ՀՀ օրենքով նախատեսված կարգով ապահովված իրավունքի վերաբերյալ տվյալները մուտքագրել էլեկտրոնային գրանցամատյան։

Վարչական պատասխանատվության են ենթակա այն ՀՀ քաղաքացիները, օտարերկրացիները և քաղաքացիություն չունեցող անձինք, որոնց 16 տարին լրացել է մինչև վարչական իրավախախտում կատարելու պահը: 

Դատվածության և հետախուզման մասին տեղեկանք ստանալու համար հնարավոր է դիմել առցանց կամ ֆիզիկապես.

• առցանց դիմելուց հետո տեղեկանքը հնարավոր է ստանալ ԱԳՆ հյուպատոսական վարչությունից (երկ, երք, հնգ, ուրբ՝ 10։00-12։00),
• ֆիզիկապես դիմելու դեպքում անհրաժեշտ կլինի այցելել վարչություն թե՛ դիմումը ներկայացնելիս, թե՛ տեղեկանքը ստանալիս (երկ, երք, հնգ, ուրբ՝ 10։00-12։00)։

 Հասցե՝ Վազգեն Սարգսյան 3, Երևան

Դատարանի վճիռը դատական գործը լուծող վերջնական ակտն է, որը կայացվում է առաջին ատյանի դատարանի կողմից։ Հնարավոր են դեպքեր, երբ վճռի կայացման արդյունքում խախտվում են կողմերի իրավունքներն ու շահերը, ուստի քաղաքացիներն ունեն դատական ակտերը բողոքարկելու հնարավություն։

Առաջին ատյանի դատարանի կողմից կայացված վճիռը կարող է բողոքարկվել և քննվել 3 մակարդակով հետևյալ կառուցների կողմից՝

• վերաքննիչ դատարան,

• վճռաբեկ դատարան,

• Մարդու իրավունքների եվրոպական դատարան։

Քաղաքացիական բնույթի գործեր քննելու վերաբերյալ հայցադիմում կամ միջնորդություն կարելի է ներկայացնել առաջին ատյանի ընդհանուր իրավասության դատարաններ առցանց եղանակով։

Վերաքննիչ, Վճռաբեկ կամ Սահմանադրական դատարաններ դիմել հնարավոր է ֆիզիկապես` այցելելով հետևյալ հասցեներ։

Դիմումները ներկայացվում են Էլեկտրոնային քաղաքացիական դատավարություն հարթակի միջոցով։ 

Փաստաթղթով հաստատվում է, որ դիմելու պահին ՀՀ դատարանների կողմից դիմողի վերաբերյալ չկա օրինական ուժի մեջ մտած դատական ակտ, որով նա ճանաչվել է անգործունակ կամ սահմանափակ գործունակ։ Տեղեկանքը տրամադրում է ՀՀ դատական դեպարտամենտը։