Ուշադրություն
Առցանց գրանցման հնարավորությունն այս պահին հասանելի է միայն ապրանքային նշանի, գյուտի և արդյունաբերական դիզայնի գրանցման համար։ 

Ինչպե՞ս դիմել

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

• Մուտք գործել համակարգ,
• ստեղծել նոր հայտ,
• բացված էջում լրացնել պահանջվող տվյալները,
• պահպանել հայտը,
• ուղարկել։

Ներկայացվող պահանջները

Համակարգից օգտվելու համար անհրաժեշտ է՝ 

• Լինել ՀՀ քաղաքացի կամ ՀՀ ռեզիդենտ ֆիզիկական կամ իրավաբանական անձ
• ունենալ նույնականացման քարտ կամ բջջային նույնականացման քարտ, որում ակտիվացված է էլեկտրոնային ստորագրություն։ 

Պահանջվող փաստաթղթերը

Կախված մտավոր սեփականության իրավունքի տեսակից՝ պահանջվող փաստաթղթերի ցանկը տարբեր է։ Անհրաժեշտ փաստաթղթերի ցանկը ներկայացված է ուղեցույցում։ 

Վճարման չափը և կարգը

• Արդյունաբերական նշանի հայտի ներկայացման համար՝ 30,000 դրամ։
• Գյուտի կամ տեխնիկական մոդելի հայտի ներկայացման համար՝ 20,000 դրամ։
• Արդյունաբերական դիզայնի հայտի ներկայացման համար՝ 20,000 դրամ։

Գործում են հետևյալ զեղչերը՝

• Ֆիզիկական կամ մինչև 25 աշխատող ունեցող իրավաբանական անձանց կամ անհատ ձեռնարկատերերի դեպքում հայտի ներկայացման արժեքը 7,500 դրամ է։

• 25-ից 100 աշխատող ունեցող իրավաբանական անձանց կամ անհատ ձեռնարկատերերի դեպքում գրանցման հայտի ներկայացման արժեքը 15,000 դրամ է։

• 100-ից ավելի աշխատող ունեցող իրավաբանական անձանց կամ անհատ ձեռնարկատերերի դեպքում՝ գրանցման հայտի ներկայացման արժեքը 30,000 դրամ է։

Տրամադրման ժամկետը և կարգը

Ապրանքային նշանը գրանցված է համարվում պետական տուրքի վճարման անդորրագիրն ստանալուց հետո` 10 աշխատանքային օրվա ընթացքում։

Արդյունաբերական դիզայնի գրանցումը կատարվում է պետական տուրքի վճարման անդորրագիրը ստանալուց հետո՝ 3 ամսվա ընթացքում։ 

Գյուտի կամ տեխնիկական մոդելի գրանցումը կատարվում է հայտի հրապարակման մասին որոշման կայացման տարում։ 

Հղում օրենսդրությանը

• «Ապրանքային նշանների մասին» ՀՀ օրենք
• «Արդյունաբերական դիզայնի մասին» ՀՀ օրենք
• «Արտոնագրերի մասին» ՀՀ օրենք

Օրենքները հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։