Ինչպե՞ս դիմել

• Աուդիտորի որակավորման վկայական ստանալու համար անհրաժեշտ է պահանջվող փաստաթղթերի փաթեթը ներկայացնել ՀՀ ֆինանսների նախարարություն (Մելիք Ադամյան 1)։
• Քննության հարցաշարը հասանելի է այստեղ։
  
  

Ներկայացվող պահանջները

Աուդիտորի որակավորման վկայական ստանալու համար անձը պետք է լինի․

• Հայաստանում որակավորված աուդիտոր, որը քննություններ է հանձնել Հաշվապահների միջազգային դաշնության (ՀՄԴ) հավաստագիր ունեցող տեղական կազմակերպություններում ՀՄԴ ստանդարտներին համապատասխան,
• արտասահմանյան երկրներում որակավորված մասնագետ, որը քննություններ է հանձնել  (ՀՄԴ) ստանդարտներին համապատասխան։

Միաժամանակ անձը պետք է համապատասխանի հետևյալ պահանջներին՝

• դատական կարգով ճանաչված չլինի անգործունակ կամ սահմանափակ գործունակ,
• չունենա դիտավորությամբ կատարված հանցագործությունների համար դատվածություն,
• դատական կարգով զրկված չլինի ֆինանսատնտեսական հարաբերությունների ոլորտում պաշտոն զբաղեցնելու կամ գործունեությամբ զբաղվելու իրավունքից,
• նախորդ 3 տարիների ընթացքում իր կողմից քննությանը մասնակցելու համար ներկայացված դիմումը չլինի մերժված։
  
  

Պահանջվող փաստաթղթերը

Վկայականը ստանալու համար դիմումին կից ներկայացվում են հետևյալ փաստաթղթերը․

• նույնականացման քարտի կամ անձնագրի և հանրային ծառայությունների համարանիշի պատճենները,
• բարձրագույն կրթության դիպլոմի պատճենը,
• ստորագրված հայտարարություն՝ ներկայացվող պահանջներին համապատասխան լինելու մասին,
• համապատասխան մարմնի կողմից տրված մասնագետի որակավորման վկայականի պատճենը:

Եթե ներկայացվում է Անգլիայի Երդվյալ որակավորված հաշվապահների ասոցիացիայի (ACCA) որակավորման շրջանակում ստացված որակավորում, ապա պետք է ներկայացնել՝

• ACCA-ի հիմնական մակարդակի 9 բաժինների (F1–F9) քննությունները դրական արդյունքով հանձնելու մասին հաշվետվությունը, կամ
• ACCA անդամության վկայականի պատճենը։

Եթե փաստաթղթերը օտար լեզվով են, անհրաժեշտ է ներկայացնել նաև դրանց հայերեն թարգմանությունները։ Օտարերկրյա պետություններից ստացված փաստաթղթերը կարող են ներկայացվել առանց հյուպատոսական վավերացման կամ ապոստիլի:

Վճարման չափը

Որակավորման քննությունը անվճար է։

Տրամադրման կարգը և ժամկետը

• Փաստաթղթերը ներկայացնելուց հետո 3 աշխատանքային օրվա ընթացքում տրամադրվում է պատասխան՝ քննությանը մասնակցելու թույլտվության կամ մերժման վերաբերյալ։
• Եթե ներկայացված փաստաթղթերը թերի են, դիմողիը էլեկտրոնային փոստով ստանում է ծանուցում։ Ադ դեպքում անհրաժեշտ է 1 աշխատանքային օրվա ընթացքում լրացնել պակասող փաստաթղթերը։
• Քննության անցկացման ամսաթվի, ժամի և վայրի մասին հայտարարությունը հրապարակվում է Ֆինանսների նախարարության կայքում քննությունից առնվազն 15 աշխատանքային օր առաջ: 
• Աուդիտորի որակավորումը ժամկետային սահմանափակում չունի։ Անհրաժեշտ է ուղղակի յուրաքանչյուր 3 տարին մեկ անցել մասնագիտական վերապատրաստում։