Երևանում հուղարկավորությունը կազմակերպելու համար անհրաժեշտ է դիմել «Բնակչության հատուկ սպասարկում» (թաղման բյուրո) համայնքային ոչ առևտրային կազմակերպություն (հասցե՝ Հալաբյան փողոց 31/2)՝ ներկայացնելով պահանջվող փաստաթղթերը։ Գերեզմանատան ընտրության դեպքում գրասենյակն աշխատում է ամեն օր՝ աշխատանքային օրերին՝ ժամը 9։00-16։00, շաբաթ և կիրակի օրերին՝ ժամը 9։00-13։00։ 

Մարզերում հուղարկավորությունը կազմակերպելու համար անհրաժեշտ է դիմել տվյալ մարզի «Բնակչության հատուկ սպասարկում» կազմակերպությանը։

Ներկայացվող պահանջները

• Գերեզմանատեղի ընտրության և հուղարկավորության կազմակերպման համար անհրաժեշտ է ունենալ հանգուցյալի մահվան վկայականը։
• Հանգուցյալը հուղարկավորվում է իր բնակության կամ հաշվառման վայրի համայնքի բաց գերեզմանատանը կամ ընտանեկան գերեզմանատանը։ Եթե տվյալ համայնքում բաց գերեզմանատուն չկա, տեղը հատկացվում է հաշվառման վայրին ամենամոտ գտնվող համայնքի բաց գերեզմանատանը։ 
  
  

Պահանջվող փաստաթղթերը

Անհրաժեշտ է ներկայացնել․

• մահվան վկայականի բնօրինակը,
• հուղարկավորությունը կազմակերպողի անձնագիրը կամ նույնականացման քարտը,
• ընտանեկան գերեզմանում հուղարկավորությունը կազմակերպելու դեպքում՝ գերեզմանի վկայականը և գերեզմանն օգտագործողի գրավոր համաձայնությունը:
  
  

Վճարման չափը և կարգը

Գերեզմանատեղի հատկացումը և հիմնական սպասարկումն իրականացվում է անվճար, իսկ հավելյալ ծառայությունները՝ վճարովի (ըստ ցանկության):

Անվճար 

• Գերեզմանատեղ՝ տրամադրվում է 2.5 քառակուսի մետր տարածք կամ առավելագույնը 12.5 քառակուսի մետր (ընտանեկան գերեզմանի համար) և հանգուցյալի տվյալներով ցուցանակ։

Վճարովի 

• Փոսի փորում - 26,900 դրամ,
• ամբողջական սպասարկում - 39,000 դրամ (փոսի փորում, աճյունի տեղադրում և հողաթմբի ձևավորում),
• ծածկիի տրամադրում - 5,000/8,000 դրամ,
• մետաղական պատվանդան - 5,000 դրամ
  
  

Տրամադրման ժամկետը և կարգը

Ծառայությունը տրամադրվում է դիմելու օրը։

Հղում օրենսդրությանը

• «Հուղարկավորությունների կազմակերպման և գերեզմանատների ու դիակիզարանների շահագործման մասին» ՀՀ օրենք
• ՀՀ կառավարության՝ 2006 թվականի նոյեմբերի 23-ի N 1910-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։