E-disability.am կայքի միջոցով ֆունկցիոնալության գնահատման համար դիմելու ընթացակարգերը հնարավոր է գտնել այս տեսաուղեցույցում։

Ֆունկցիոնալության գնահատման ուղեգիր ստանալու համար անձը կամ նրա օրինական ներկայացուցիչը պետք է՝

• դիմեն բժշկական օգնություն և սպասարկում իրականացնող կազմակերպությանը,
• ստանան ֆունկցիոնալության գնահատման համար ուղեգիրը բուժող բժշկից (բժիշկը տրամադրում է ուղեգիրը անհրաժեշտ ախտորոշիչ, բուժական և վերականգնողական միջոցառումներ իրականացնելուց հետո)։
  
  

Ուղեգրում բժիշկը նշում է անձնական ու բժշկական անհրաժեշտ բոլոր տվյալները։ Ուղեգիրը հնարավոր է տեսնել ԱՐՄԵԴ համակարգի միջոցով (եթե դիմողի էլեկտրոնային փոստի հասցեն գրանցված է ԱՐՄԵԴ համակարգում, ապա այն կարող է ուղարկվել նաև էլեկտրոնային փոստին):

Ֆունկցիոնալության գնահատման ուղեգրում են անհրաժեշտ կլինիկական տվյալների, լաբորատոր-գործիքային ախտորոշիչ հետազոտությունների արդյունքների հիման վրա։ Ըստ առողջական վիճակի խմբերի՝ կա նաև նվազագույն անհրաժեշտ տեղեկությունների ցանկ, որը պարտադիր է ունենալ ուղեգրման պահին: 

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Ուղեգիրը ստանալուց հետո ֆունկցիոնալության գնահատման համար անհրաժեշտ է՝

• այցելել E-disability.am,
• սեղմել «Դիմում» կոճակը,
• ընտրել 4 դիմումի տեսակներից մեկը՝ առաջնակի գնահատում, կրկնակի գնահատում, վերագնահատում, մահվան պատճառական կապի որոշում (տվյալ դեպքում՝ առաջնակի գնահատում, եթե առաջին դիմում է),
• ընտրել դիմումի ենթատեսակը,
• նշել տրված պատճառներից մեկը,
• ընտրել, թե ում կողմից է ուղարկվում դիմումը,
• լրացնել անձնական տվյալները և ինքնագնահատման թերթիկը (տվյալներն անհարժեշտ է լրացնել բացառապես հայերեն), 
• հետևել համակարգի հրահանգներին։

Դիմումին հաջորդող քայլերի մասին դիմումատուն կծանուցվի ըստ ընտրված ծանուցման եղանակի՝ առձեռն, փոստով, էլեկտրոնային փոստով։

Ուշադրություն

• Դիմումատուի անձնական տվյալները փակ են հանձնաժողովի անդամների և մասնակից բոլոր մասնագետների համար մինչև որոշման ընդունման պահը։
• 16-ից ցածր անձանց դեպքում դիմումը պետք է լրացվի անձի օրինական ներկայացուցչի կողմից։

Ներկայացվող պահանջները

Ներկայացվող փաստաթղթերը պարտադիր պետք է լինեն վերջին 30 օրվա վավերականությամբ, հակառակ դեպքում դիմումը ստուգելուց հետո համակարգը կտեղեկացնի, որ ներկայացված փաստաթղթերը թերի են։ 

Պահանջվող փաստաթղթերը

Ֆունկցիոնալության գնահատման դիմելու համար անհրաժեշտ է ունենալ ՀԾՀ` հանրային ծառայությունների համարանիշ (սոցիալական քարտ) կամ ՀԾՀ չունենալու մասին տեղեկանք։

Տրամադրման ժամկետը և կարգը

• Դիմումն ուղարկվում է ամփոփագիր մշակող մասնագետին,
• ամփոփագիր մշակող մասնագետը ստուգում է կցված փաստաթղթերի իսկությունը, նշում է համապատասխան մասանգիտացումները, որոնք անհրաժեշտ են դիմումատուին գնահատելու համար,
• համակարգում ինքնաշխատ կերպով ձևավորվում է հանձնաժողով, որը գնահատում է ֆունկցիոնալության գնահատման արդյունքում ընդունված որոշումը,
• հանձնաժողովի կազմում ներառվում են բժիշկներ և հոգեբաններ, էրգոթերապիստներ, լոգոպեդներ և այլ մասնագետներ՝ ըստ անհրաժեշտության,
• գնահատող հանձնաժողովի անդամները պատահականության սկզբունքով ընտրվում են ֆունկցիոնալության գնահատման նպատակով ներգրավված մասնագետների ռեեստրից՝ էլեկտրոնային համակարգի կողմից,
• այս ամենից հետո դիմումը մշակվում է, որից հետո ստանում է կարգավիճակ մինչև 3 աշխատանքային օրվա ընթացքում։
  
  

Հղում օրենսդրությանը

• «Անձի ֆունկցիոնալության գնահատման մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը):