Ինչպե՞ս դիմել

Լիցենզիա ստանալու համար անհրաժեշտ է հայտ ներկայացնել ՀՀ Առողջապահության նախարարության լիցենզավորման գործակալություն։ 

Լիցենզիա ստանալու մասին հայտը անհրաժեշտ է ուղարկել էլեկտրոնային փոստով` [email protected] հասցեին: 

Ներկայացվող պահանջները

Թմրամիջոցների և հոգեմետ (հոգեներգործուն) նյութերի օգտագործմամբ փորձաքննության անցկացման լիցենզիա կարող են ստանալ իրավաբանական անձինք և անհատ ձեռնարկատերերը:

Պահանջվող փաստաթղթերը

Լիցենզիա ստանալու համար հայտին կից անհրաժեշտ է ներկայացնել հետևյալ փաստաթղթերը․

• լիցենզիա ստանալու համար պետական տուրքի վճարման անդորրագրի պատճենը,
• անշարժ գույքի նկատմամբ իրավունքի պետական գրանցման կամ անշարժ գույքի օգտագործման իրավունքի պետական գրանցման վկայականի պատճենը,
• թմրամիջոցների և հոգեմետ (հոգեներգործուն) նյութերի օգտագործմամբ փորձաքննության անցկացման գործունեություն իրականացնող` համապատասխան որակավորում ունեցող քիմիկոսի կամ դեղագետի որակավորումը հավաստող փաստաթղթերը (դիպլոմը, հետդիպլոմային կրթությաn և վերապատրաստման վկայականների պատճեններ),
• տվյալ աշխատանքն իրականացնող անձանց հետ կնքված աշխատանքային պայմանագրի պատճենները,
• համապատասխան տեխնոլոգիական սարքավորումներով ապահովվածության մասին փաստաթուղթ,
• լիցենզավորվող անձի տարածքների և տեխնիկատեխնոլոգիական հագեցվածության մասին տեղեկանք։

Վճարման չափը և կարգը

Թմրամիջոցների և հոգեմետ (հոգեներգործուն) նյութերի օգտագործմամբ փորձաքննության անցկացման լիցենզիա ստանալու համար պետական տուրքի չափը 100,000 դրամ է։

Տրամադրման ժամկետը և կարգը

Լիցենզիան տրվում է մինչև 3 տարի ժամկետով՝ դիմելուց հետո 23 աշխատանքային օրվա ընթացքում:

Հղում օրենսդրությանը

ՀՀ կառավարության՝ 2011 թվականի մարտի 18-ի N 281-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)