Ստանալ եռամսյա հրատապ օգնություն
Եռամսյա հրատապ օգնությունը տրամադրվում է անապահովության նպաստի իրավունք չունեցող ընտանիքներին, որի նպատակը 3 ամիս շարունակ օգնության տրամադրումն է ընտանիքի վերակագնման համար։ 2026 թվականին եռամսյա հրատապ օգնության ամսական չափը՝ 20.000 դրամ է։
Ինչպե՞ս դիմել
Եռամսյա հրատապ օգնություն ստանալու համար «Շարունակել» կոճակը սեղմելուց հետո անհրաժեշտ է՝
- նույնականցվել «ԵսԵմ» ազգային նույնականացման միջոցով,
- ընտրել «Եռամսյա հրատապ օգնություն» բաժինը,
- բացված էջում լրացնել պահանջվող բոլոր տվյալները,
- հաստատել եռամսյա հրատապ օգնություն ստանալու հայտը։
Ընդ որում՝ եռամսյա հրատապ օգնությանը հնարավոր է դիմել միայն անապահովության գնահատում ստանալուց հետո։
Հայտը ստեղծելուց հետո դրա կարգավիճակը կերևա անհատական օգտահաշվի էջում։
Ներկայացվող պահանջները
Եռամսյա հրատապ օգնություն ստանալու համար անհրաժեշտ է լինել անապահովության նպաստ չստացող ընտանիքից, ում 1 հաշվարկային անդամի ամսական եկամտի չափը ցածր է ՀՀ կառավարության կողմից տվյալ տարվա համար սահմանված՝ անապահովության նպաստ ստանալու իրավունք տվող սահմանային շեմի 130 տոկոսի արժեքից։
Տրամադրման ժամկետը և կարգը
Եռամսյա հրատապ օգնությունը վճարվում է դիմելու ամսվան հաջորդող ամսից սկսած՝ առավելագույնը 3 ամիս ժամկետով։
Հղում օրենսդրությանը
- «Պետական նպաստների մասին» ՀՀ օրենք։
- ՀՀ կառավարության 2024 թվականի նոյեմբերի 11-ի ՀՕ-407-Ն որոշում։
- «Սոցիալական աջակցության մասին» ՀՀ օրենք։
- ՀՀ կառավարության 2025 թվականի հունվարի 9-ի N 27-Ն որոշում։
09:00-18:00
Հեռախոսահամար`
Թեժ գիծ՝ 114
Տելեգրամյան ալիք
09:00-18:00
Հեռախոսահամար`
Թեժ գիծ՝ 114
Տելեգրամյան ալիք