Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Տեղեկատվություն ստանալու համար անհրաժեշտ է՝

• գրանցվել e-request հարթակում և մուտք գործել հարթակ՝ լրացնելով էլեկտրոնային փոստի հասցեն և գաղտնաբառը,
• սեղմել «Ուղարկել դիմում, հարցում կամ բողոք» պատուհանի «Ուղարկել» կոճակը,
• բացվող էջում ընտրել «Հարցում» տարբերակը,
• ընտրել դիմումատուի տեսակը՝ «Անհատ», կամ որպես կազմակերպություն դիմելու դեպքում՝ «Իրավաբանական անձ»,
• բացվող էջում ընտրել, թե որ պետական մարմնին է ուղղված հարցումը,
• մուտքագրել հարցումը՝ հստակ ձևակերպելով անհրաժեշտ տեղեկատվությունը,
• եթե փաստաթղթեր կցելու անհրաժեշտություն կա, սեղմել «Կցել ֆայլ» կոճակը, եթե ոչ՝ սեղմել «Առաջ» կոճակը։

Հարցման ընթացքին հնարավոր է հետևել անձնական էջում առկա հսկիչ կոդի միջոցով։

Պահանջվող տվյալները

Տեղեկատվություն ստանալու համար անհրաժեշտ են անձնագրի կամ նույնականցման քարտի տվյալները։

Տրամադրման ժամկետը և կարգը

• Եթե հարցվող տեղեկատվությունը հրապարակված չէ, ապա դրա պատճենը դիմողին տրամադրվում է հարցումը ստանալուց հետո մինչև 5 օր ժամկետում։
• Եթե հարցվող տեղեկատվությունը հրապարակված է, ապա հարցումը ստանալուց հետո մինչև 5 օր ժամկետում դիմողը տեղեկացվում է, թե երբ և որտեղ է հրապարակվել այդ տեղեկատվությունը։
• Եթե հարցվող տեղեկատվությունը տրամադրելու համար անհրաժեշտ է կատարել լրացուցիչ աշխատանք, ապա այդ տեղեկատվությունը դիմողին է տրվում դիմումն ստանալուց հետո 30 օր ժամկետում: Հարցումն ստանալուց հետո մինչև 5 օր ժամկետում դիմողն այդ մասին կտեղեկացվի էլեկտրոնային փոստի միջոցով, որտեղ կնշվի հետաձգման պատճառը և տեղեկատվությունը տրամադրելու վերջնական ժամկետը։

Հարցմանը պատասխան չի տրվում, եթե․

• պարզվում է, որ դիմողի ինքնությանը վերաբերող տվյալները կեղծ են,
• նույն անձը նույն տեղեկատվությունն ստանալու պահանջով վերջին 6 ամսվա ընթացքում դիմում է ներկայացնում երկրորդ անգամ։

Ուշադրություն

• Դիմողը պարտավոր չէ հիմնավորել հարցումը։
• Տեղեկության տրամադրման մերժումը հնարավոր է բողոքարկել համապատասխան պետական կառավարման մարմնի գրասենյակում, դատարանում կամ մարդու իրավունքների պաշտպանի գրասենյակում։

Վճարման չափը և կարգը

 Տեղեկատվության տրամադրումն անվճար է հետևյալ դեպքերում.

• բանավոր հարցումների պատասխանելիս,
• մինչև 10 էջ տպագրված կամ պատճենահանված տեղեկատվություն տրամադրելիս,
• տեղեկատվությունն էլեկտրոնային փոստով տրամադրելիս,
• այնպիսի տեղեկատվության վերաբերյալ գրավոր հարցումներին պատասխանելիս, որի հրապարակումը կարող է կանխել պետական և հասարակական անվտանգությունը, կամ այնպիսի վտանգ, որը սպառնում է հասարակական կարգին, հանրության առողջությանն ու բարքերին, այլ անձանց իրավունքներին և ազատություններին, շրջակա միջավայրին, անձանց սեփականությանը,
• տեղեկության տրամադրումը մերժելիս,
• ոչ հավաստի կամ ոչ լրիվ տվյալներ պարունակող տեղեկատվություն տրամադրած մարմինը կամ կազմակերպությունն այդ տեղեկատվությունը ստացած անձի հարցման հիման վրա ճշգրտված տվյալներով տեղեկատվություն տրամադրելիս:
  
  

Տեղեկատվություն ստանալու համար վճարելու անհրաժեշտություն կարող է առաջանալ կոնկրետ դեպքերում։ Տեղեկատվության տրամադրման համար գանձվող գումարի չափը որոշվում է համապատասխան մարմնի կողմից։

Հղում օրենսդրությանը

• «Տեղեկատվության ազատության մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։