Ինչպե՞ս դիմել

Լիցենզիա ստանալու համար անհրաժեշտ է հայտ ներկայացնել ՀՀ Առողջապահության նախարարության լիցենզավորման գործակալություն։ 

Լիցենզիա ստանալու մասին հայտը անհրաժեշտ է ուղարկել էլեկտրոնային փոստով` [email protected] հասցեին: 

Ներկայացվող պահանջները

Թմրամիջոցների և հոգեմետ (հոգեներգործուն) նյութերի գիտական և ուսումնական նպատակներով օգտագործման լիցենզիա կարող են ստանալ իրավաբանական անձինք և անհատ ձեռնարկատերերը։

Պահանջվող փաստաթղթերը

Լիցենզիա ստանալու համար հայտին կից անհրաժեշտ է ներկայացնել հետևյալ փաստաթղթերը․

• լիցենզիա ստանալու համար պետական տուրքի վճարման անդորրագրի պատճենը,
• անշարժ գույքի նկատմամբ իրավունքի պետական գրանցման կամ անշարժ գույքի օգտագործման իրավունքի պետական գրանցման վկայականի պատճենը,
• տեղեկանք համապատասխան որակավորում ունեցող գիտական և մասնագիտական (դեղագետ (դեղագետներ) կամ քիմիկոս (քիմիկոսներ) կամ դեղագետ-քիմիկոս (դեղագետ-քիմիկոսներ)) կադրերով ապահովված լինելու վերաբերյալ, ներառյալ՝ կադրերի որակավորումը հավաստող փաստաթղթերը (դիպլոմի, հետդիպլոմային կրթության և վերապատրաստման վկայականների պատճեններ),
• դեղագետի (դեղագետների) կամ քիմիկոսի (քիմիկոսների) կամ դեղագետ-քիմիկոսի (դեղագետ-քիմիկոսների) հետ կնքված աշխատանքային պայմանագրի պատճենը,
• համապատասխան տեխնոլոգիական սարքավորումներով ապահովվածության մասին փաստաթուղթ,
• տեղեկանք տարածքների և տեխնիկատեխնոլոգիական հագեցվածության մասին:

Վճարման չափը և կարգը

Թմրամիջոցների և հոգեմետ (հոգեներգործուն) նյութերի գիտական և ուսումնական նպատակներով օգտագործման լիցենզիա ստանալու համար պետական տուրքի չափը 100,000 դրամ է։

Տրամադրման ժամկետը և կարգը

Լիցենզիան տրվում է մինչև 3 տարի ժամկետով՝ դիմելուց հետո 23 աշխատանքային օրվա ընթացքում:

Հղում օրենսդրությանը

ՀՀ կառավարության՝ 2011 թվականի մարտի 18-ի N 281-Ն որոշում