2026 թվականի ապրիլի 1-ից Հայաստանում կդադարեցվի կենսաթոշակների կանխիկ վճարումը։ Թոշակառուները կստանան իրենց կենսաթոշակները միայն անկանխիկ եղանակով, այսինքն՝ փոստի միջոցով թոշակ ստանալն այլևս հնարավոր չի լինի։ 

Այս փոփոխությունը վերաբերում է բոլորին՝ անկախ թոշակի տեսակից: Անկանխիկ համակարգին են անցնում տարիքային, հաշմանդամության և կերակրողին կորցնելու թոշակ ստացողները։ Որոշումը վերաբերում է նաև 14-ից 18 տարեկան անչափահասների և տուն-ինտերնատներում ապրող քաղաքացիներին։

Կանխիկ թոշակ ստացող քաղաքացիները պետք է մինչև 2026 թվականի մարտի 5-ը ինքնուրույն որոշեն, թե որ բանկի միջոցով են ցանկանում ստանալ իրենց գումարը՝ առցանց ընտրելով կենսաթոշակը կամ նպաստը վճարող բանկը։

Եթե մինչև մարտի 5-ը թոշակառուն որևէ բանկ չընտրի, ապա համակարգն ինքնաշխատ կերպով նրա փոխարեն կկատարի ընտրությունը: Ընդ որում՝ համակարգը նախապատվությունը կտա այն բանկերին, որոնք պատրաստ են նոր քարտն անվճար առաքել թոշակառուի տուն և տեղում ակտիվացնել այն՝ ազատելով տարեց կամ տեղաշարժման խնդիրներ ունեցող մարդկանց բանկ հասնելու լրացուցիչ հոգսից։

Կենսաթոշակի դիմելու և ստանալու վերաբերյալ անհրաժեշտ տեղեկությունները ներկայացված են «Ստանալ կենսաթաշակ» կյանքի իրադարձության ուղեցուցում։