• Մայրության միանվագ նպաստի չափը հաշվարկվում է մայրության արձակուրդն ընդգրկող ժամանակահատվածի համար՝ քո միջին ամսական աշխատավարձի հիման վրա։
• Մայրության նպաստը հաշվարկվում և վճարվում է քո գործատու կազմակերպության կողմից։
• Այն վճարվում է անկանխիկ՝ փոխանցվելով աշխատավարձիդ հաշվեհամարին։
  
  

Ի դեպ, ժամանակավոր անաշխատունակության թերթիկը գործատուին ֆիզիկապես ներկայացնելու կարիք չկա․ բուժհաստատությունը առցանց եղանակով այն ներկայացնում է համապատասխան պետական մարմիններին, որից հետո անաշխատունակության նպաստը հաշվարկվում և տրամադրվում է շահառուի բանկային հաշվին։

• Մայրության միանվագ նպաստի չափը 172,697 ՀՀ դրամ է։

• Այն նշանակվում է բժշկական հաստատության կողմից տրված ժամանակավոր անաշխատունակության թերթիկի հիման վրա և վճարվում է պետության կողմից։

• Աշխատող մայրերի համար նպաստը վճարվում է գործատուի կողմից՝ հղիության և ծննդաբերության արձակուրդի առաջին ամսվա աշխատավարձերի վճարման համար սահմանված ժամկետում։
• Չաշխատող մայրերի համար նպաստը վճարվում է դիմելուց հետո 1 ամսվա ընթացքում, եթե դիմումը ներկայացվել է բժշկական հաստատության կողմից տրված փաստաթուղթը ստանալուց հետո՝ 140 օրվա ընթացքում։

Աջակցության չափը

Երեխայի ծննդյան միանվագ նպաստի չափը հետևյալն է․

• առաջին և երկրորդ երեխայի դեպքում 300,000 դրամ, 
• երրորդ և չորրորդ երեխայի դեպքում՝ 1 միլիոն դրամ,
• հինգերորդ և յուրաքանչյուր հաջորդ երեխայի դեպքում՝ 1,5 միլիոն դրամ։

Ուշադրություն
2026 թ. սեպտեմբերի 1-ին և դրանից հետո ծնված երեխաների համար ծննդյան միանվագ նպաստի չափը կկազմի 500,000 դրամ՝ անկախ երեխայի կարգաթվից։ 

• Երեխայի ծննդյան միանվագ նպաստը ստանալու իրավունք ունի երեխայի ծնողը, որդեգրողը կամ խնամակալը: 

• Նպաստը տրամադրվում է, եթե ծնողը և նոր ծնված երեխան հաշվառված են ՀՀ բնակության վայրի հասցեով ու դիմելու օրվա դրությամբ գտնվում են ՀՀ-ում։

Օտարերկրյա քաղաքացի ծնողին երեխայի ծննդյան միանվագ նպաստը նշանակվում է, եթե նոր ծնված երեխայի ծննդյան օրվա դրությամբ ծնողն առնվազն 3 տարի անընդմեջ հաշվառված է ՀՀ-ում բնակության վայրի հասցեով, և օտարերկրյա պետությունում երեխայի ծննդյան կապակցությամբ միանվագ նպաստ չի նշանակվել (վճարվել):

• 31,600 ՀՀ դրամ, եթե գտնվում ես մինչև 2 տարեկան երեխայի խնամքի արձակուրդում, 

• 31,600 ՀՀ դրամ, եթե բնակվում ես գյուղում և չես աշխատում,

• 63,200 ՀՀ դրամ, եթե բնակվում ես գյուղում և գտնվում ես մինչև 2 տարեկան երեխայի խնամքի արձակուրդում:

Մինչև երկու տարեկան երեխայի խնամքի նպաստ կարող ես ստանալ, եթե՝ 

• գտնվում ես մինչև երեք տարեկան երեխայիդ խնամքի արձակուրդում և նախքան նրա երկու տարեկանը լրանալը դիմել ես նպաստ ստանալու համար,

• հաշվառված ես գյուղական բնակավայրում և նպաստին դիմելու օրվա դրությամբ առնվազն մեկ տարի անընդմեջ բնակվում ես այդ հասցեում։ 

Օտարերկրյա քաղաքացի լինելու դեպքում կարող ես ստանալ մինչև 2 տարեկան երեխայի խնամքի նպաստ, եթե բավարարում ես վերոնշյալ պայմաններին, և երեխայիդ ծննդյան օրվա դրությամբ առնվազն 3 տարի անընդմեջ հաշվառված ես ՀՀ-ում բնակությանդ վայրի հասցեով։

Նպաստը կարող ես ստանալ անձամբ, լիազորված անձի միջոցով կամ բանկային փոխանցմամբ։

Նպաստի չափը 50,000 դրամ է։ Աջակցությունը տրամադրվում է 2022 թ․ հունվարի 1-ից հետո ծնված՝ կարգաթվով երրորդ և հաջորդ երեխաների համար։

Աջակցությունը տրամադրվում է, եթե՝  

• երեխայի ծնողը ՀՀ քաղաքացի է,

• դիմելու օրվա դրությամբ ծնողը և նոր ծնված երեխան գտնվում են ՀՀ-ում,

• դիմելու օրվա դրությամբ ծնողը, նոր ծնված երեխան և երեխայի կարգաթիվը որոշելու համար հաշվի առնված երեխաները հաշվառված են ՀՀ բնակչության պետական ռեգիստրում։

Ընդ որում՝ միաժամանակ մեկից ավելի երեխաների ծնվելու դեպքում հաշվի է առնվում բարձր կարգաթվով երեխայի ծննդյան փաստը, և աջակցությունը նշանակվում է նոր ծնված երեխաների համար: Այսինքն՝ եթե, օրինակ, ընտանիքում կա 1 երեխա, և ծնվում է զույգ, ապա դրամական աջակցություն նշանակվում է նոր ծնված յուրաքանչյուր երեխայի համար։